Пракуратура г. Гродна выявіла парушэнні жыллёвага заканадаўства ў інтэрнатах, якімі валодае УЖРЭП Ленінскага раёна. Гэта 18 інтэрнатаў, у якіх зарэгістравана больш за 4300 чалавек. Выяўлены 217 людзей, якія зарэгістраваны, але не жылі ў інтэрнатах.
Сярод парушэнняў: часта ў інтэрнаты засялялі новых жыхароў, не здымаючы з уліку выбыўшых. У адным з інтэрнатаў лічыліся 50 асоб, якія былі зарэгістраваныя ў жылых пакоях, аднак там не пражывалі. У большасці выпадкаў дагаворы найму з імі не заключалі, плату за паслугі ЖКГ ім не налічвалі. Пры гэтым некаторыя з сем’ямі стаялі на ўліку для паляпшэння жыллёвых умоў на падставе пражывання ў інтэрнаце. Адміністрацыя Ленінскага раёна не праводзіла штогадовае ўдакладненне дадзеных. Як вынік, людзей, якія страцілі права быць у чарзе, доўга не здымалі з уліку.
Па выніках праверкі старшыні адміністрацыі раёна і кіраўніку УЖРЭП пракурор горада ўнёс прадстаўленні аб ліквідацыі выяўленых парушэнняў, пра што накіраваў адпаведную інфармацыю ў Гродзенскі гарвыканкам. Вінаватыя прыцягнуты да дысцыплінарнай адказнасці, у суд пададзены пазоўныя заявы аб высяленні 9 грамадзян, 25 грамадзян знятыя з уліку ў інтэрнаце ў сувязі з рэгістрацыяй па фактычнаму месцы жыхарства. Праца па высяленні з інтэрнатаў працягваецца і ўзятая на кантроль пракуратуры г. Гродна.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…