З нагоды свайго трэцяга дня нараджэння і Міжнароднага дня фельтмейкера майстры з крамы «Лёля» ладзяць конкурс на самую цікавую рэч з воўны «Цёплая восень». Пераможцаў чакаюць прызы, сярод якіх будуць падарункавыя сертыфікаты, карысныя рэчы і сувеніры. Конкурс пройдзе ад 10 верасня да 3 кастрычніка.
Каб паўдзельнічаць, трэба зрабіць рэч з воўны у тэхніцы сухога ці мокрага лямцавання, прынесці яе ў крамку, дзе будзе аргаізавана выстава лямцаваных вырабаў. Можна таксама прынесці рэч, зробленую раней.
Конкурс прымеркавалі да дня народзінаў «Лёлі», які адзначаюць у першы дзень кастрычніка. Вынікі будуць падведзены 3 кастрычніка, у Міжнародны дзень фельтмейкера.
Арганізатары абяцаюць некалькі намінацый і шмат прызоў. Можна будзе выйграць карысныя рэчы — падарункавыя сертыфікаты на тавары для рукадзелля, настольную лямпу ці набор мёду. Нехта з пераможцаў атрымае магчымасць паўдзельнічаць у трансфармацыйнай гульні ці ў фотасесіі з коньмі. Самых малодшых майстроў і майстрых чакаюць смачныя пернікі ў выглядзе авечак.
Рэдакцыя Hrodna.life падарыць пераможцам свае фірмовыя кубкі і раскажа пра ўдзельнікаў конкурса ды іх цікавыя вырабы.
Натхняйцеся і зробім восень цёплай разам!
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…