У тайніку пад дахам аўтобуса мытнікі знайшлі больш за 3 тыс. пачкаў цыгарэт з акцызамі РБ коштам 9,5 тыс. рублёў.
Рэйсавы аўтобус Setra ехаў з Беларусі ў Польшчу. Кіроўца, грамадзянін Чэхіі, адмовіўся ў пісьмовым выглядзе дэклараваць перамяшчаныя ім тавары. Пры мытным даглядзе ў даху аўтобуса знайшлі спецыяльна абсталяваны тайнік, а ў ім — 3240 пачкаў цыгарэт з акцызнымі маркамі Рэспублікі Беларусь коштам 9,5 тыс. рублёў.
Як паведамляе prokuratura.gov.by, спачатку кіроўцу прыцягнулі да адміністрацыйнай адказнасці ў выглядзе штрафу ў 30 базавых велічынь з канфіскацыяй тавару і без канфіскацыі аўтобуса Setra. Пазней у пракуратуры Гродзенскай вобласці прыйшлі да высновы, што пастанова вынесена без уліку частоты перамяшчэння транспартнага сродку праз мяжу і колькасці цыгарэт, а аўтобус з тайніком і далей можа выкарыстоўвацца для перавозкі кантрабанды. Пракуратура апратэставала пастанову суда.
Пры новым разглядзе справы суд наклаў на кіроўцу штраф у памеры 10 базавых велічынь з канфіскацыяй тавару і транспартнага сродку — аўтобуса Setra. Грамадзянін Чэхіі абскардзіў вынесеную пастанову, але суд не задаволіў яго скаргу.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…