У пачатку восені пачнуцца будаўнічыя працы ў падвале дома па Савецкай, 1, дзе знаходзіцца крама «Ратушны». Рэстаран «Бакст» збіраецца адкрыць там кафэ-пякарню.
Зараз у падвалах праходзяць падрыхтоўчыя працы. Будаўнічы і дызайнерскі праекты прадугледжваюць захаванне аўтэнтычнасці старадаўняга склепа.
«З верасня мы пачнем будаўнічыя работы. У будучыні там адкрыецца кафэ з уласнай пякарняй. З адкрыцця пачнем радаваць гродзенцаў і гасцей горада свежай выпечкай», — распавялі Hrodna.life уласнікі.
Гродзенскі краязнаўца Ігар Лапеха распавядае, што першыя згадкі пра месца, дзе будзе кавярня — 16 стагоддзе. Там была гарадская карчма.
«Будынак, дзе сёння крама „Ратушны“, пазіцыянуецца як палац Сангушак 18 стагоддзя. Але адназначна ён будаваўся на нейкіх падмурках. Яшчэ ў 16 стагоддзі там была першая вядомая гарадская карчма. Пытанне: колькі засталося сцен ад той пабудовы? Трэба прыходзіць і глядзець. Месца агулам цікавае і са сваёй гісторыяй», — адзначыў краязнаўца.
Рабочыя распавядаюць, што падчас работ у склепе знаходзяць шмат старых бутэлек і шкляных флаконаў. Мяркуюць, што там магла быць аптэка.
Зараз уваход у падвал знаходзіцца з боку дворыка, а восенню працоўныя прыступяць да аднаўлення засыпанага старога ўваходу з боку вуліцы.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…