У Вільні спадзяюцца, што на перапахаванне парэшткаў паўстанцаў 1863−1864 гадоў, у тым ліку нацыянальнага героя Беларусі Кастуся Каліноўскага ў складзе беларускай дэлегацыі прыедзе прэм’ер-міністр Сяргей Румас, піша euroradio.fm. Цырымонія адбудзецца ў літоўскай сталіцы ў лістападзе. Паўстанцы будуць урачыста перапахаваныя на віленскіх могілках Росы. Надпісы на іх магілах будуць і па-беларуску.
Як інфармуе Delfi, запрашэнне на ўрачыстую цырымонію атрымаў прэзідэнт Польшчы Анджэй Дуда, запрошаная і ўрадавая дэлегацыя Беларусі. Латвія і Украіна будуць прадстаўленыя на больш нізкім узроўні. Віцэ-канцлер ўрада Дэйвідас Матулёнис кажа, што дакладная дата цырымоніі будзе залежаць ад таго, як будуць ісці справы з абсталяваннем капліцы для пахаванняў на могілках Расу. Падрыхтоўку да перапахавання пачнуць пасля ўзгаднення з польскім бокам.
Парэшткі паўстанцаў былі знойдзены на гары Гедыміна ў Вільні, дзе іх тайна пахавалі расійскія ўлады пасля пакарання смерцю. Асобу кіраўніка вызваленчага паўстання ў Беларусі і Літве Кастуся Каліноўскага ідэнтыфікавалі на 95%. Каб зняць усе сумненні, у Свіслачы праводзіліся раскопкі на месцы магілы Віктара Каліноўскага, брата Кастуся.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…