Гродзенец Аляксандр Горбач атрымаў афіцыйны адказ за подпісам намесніка старшыні Вярхоўнага Суда Рэспублікі Беларусь Руслана Аніскевіча на сваю скаргу. Вярхоўны Суд пацвердзіў штраф, да якога быў засуджаны Аляксандр Горбач, паведамляе harodniaspring.org.
Аляксандр Горбач ведамы ў горадзе над Нёманам як перакананы антыфашыст. А парадокс яго судовай гісторыі палягае ў тым, што яго аштрафавалі за нібыта экстрэмізм і распаўсюд фашыстоўскай сімволікі.
Напомнім, што яшчэ 20 лістапада 2018 года суддзя Кастрычніцкага раённага суда Валерый Шпак засудзіў Горбача да вялікага штрафу: паводле артыкулу 17.10 — штраф 5 базавых велічынь, паводле артыкулу 17.11, частка 2 — 25 базавых (агулам 30 базавых). Паводле першага эпізоду адміністрацыйнай справы Горбач прызнаны вінаватым у размяшчэнні малюнка з фашыстоўскай сімволікай. Аднак, насамрэч свастыка на тым малюнку выкідваецца якраз у сметніцу і гэта яскрава пацвярджае антыфашыстоўскія погляды Горбача. Іншыя эпізоды размяшчэння на ўласнай старонцы Горбача ў сацсетцы ВКонтакте датычаць абрэвіятур, якія таксама ніяк не могуць лічыцца экстрэмісцкімі.
Не пагадзіўшыся з абсурднай пастановай, Аляксандр Горбач падаў касацыйную скаргу ў Гродзенскі абласны суд. Суддзя абласнога суда Васіль Скок доўга разглядаў скаргу, а ў выніку ўсё ж не змог адмяніць пастанову.
Пасля гэтага Аляксандр Горбач падаў надзорную скаргу на імя старшыні Гродзенскага абласнога суда. Аднак і яго старшыня Аляксандр Корзун не задаволіў скаргу.
Вярхоўны Суд таксама даў адмоўны адказ на скаргу.
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…
Двухпакаёвая кватэра па вул. Стэфана Баторыя, 10 прадаецца ў Гродне. Фішка кватэры - відэапраектар з…