Рэстаўрацыю мемарыяльнай шыльды на Гуманітарным каледжы, прысвечанай 400-годдзю з дня нараджэння Стэфана Баторыя, кіраўніцтва горада лічыць немэтазгоднай. Так адказалі гродзенскаму гісторыку Мечыславу Супрону ў афіцыйным лісце ад Гродзенскага гарадскога выканаўчага камітэта.Амаль месяц таму старую, пашкоджаную ў савецкі час памятную шыльду на Гуманітарным каледжы паспрабавалі «абнавіць». Паверх яе павесілі новую пластыкавую шыльду з пералікам назваў навучальных устаноў, якія месціліся ў будынку сучаснага каледжа ад 1899 года. Новая шыльда не правісела і сутак: яе знялі, не патлумачыўшы прычын.
Гісторык звяртаўся ў гарвыканкам з прапановай арганізаваць краўдфандынг і за гэтыя сродкі адрэстаўраваць шыльду, прысвечаную каралю Рэчы Паспалітай, які займае адметнае месца ў гісторыі горада.
«Стварэнне і ўстаноўка помніку Стэфану Баторыю за сродкі гарадскога бюджэту ў бліжэйшы час не плануецца,» — напісалі ў лісце.
Праўда, ніжэй паведамілі: «Гродзенскі гарадскі выканаўчы камітэт лічыць мэтазгодным правесці стварэнне і ўсталяванне мемарыяльнай шыльды альбо помніка Стэфану Баторыю на тэрыторыі Старога замка пасля заканчэння рамонтна-узнаўленчых работ і прымеркаваць адкрыццё твора манументальнага мастацтва да значнай юбілейнай даты з дня нараджэння караля».
Стэфан Баторый нарадзіўся 27 верасня 1533. Якую менавіта юбілейную дату абяруць для ўшанавання караля, у лісце не ўдакладняецца.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…