Вядучая спецыялістка па крэдытаванні аднаго са слонімскіх банкаў у 2017 годзе не закрыла аднаўляльны крэдыт пасля яго пагашэння кліенткай — сваёй знаёмай. Кліентка перадала ёй банкаўскую карту з ПІН-кодам для закрыцця рахунку, а праз некалькі месяцаў банкаўская працаўніца скарысталася гэтай картай, каб зняць грошы для сябе.
Пацярпелая была ўпэўнена, што яна разлічылася з банкам цалкам. Калі на яе мабільны тэлефон сталі прыходзіць СМС-абвесткі аб зняцці грошай і пратэрміноўцы, якая расце, працаўніца банка тлумачыла гэта тэхнічным збоем. А яшчэ праз некалькі месяцаў, калі гэтая версія ўжо стала выклікаць сумневы ў кліенткі, у чарговы раз увяла яе ў зман, угаварыўшы пагадзіцца на адкрыццё «выплачанага» крэдыту і пазычыць знятыя з банкаўскай карткі сумы нібыта на арганізацыю бізнесу.
У выніку банку нанесены ўрон у памеры звыш 6000 рублёў, паведамляе Камітэт дзяржкантролю.У дачыненні да былой банкаўскай работніцы ўзбуджаная крымінальная справа па ч. 3 арт. 210 («Крадзеж шляхам злоўжывання») Крымінальнага кодэкса. Жанчына ўжо знаходзілася ў полі зроку праваахоўнікаў праз здзейсненае махлярства, яе ўзялі пад варту.
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…