Кожны год з надыходам веласезона праваахоўнікі фіксуюць усплёск крадзяжоў ровараў. Калі раней ахвярамі веласіпедных злодзеяў станавіліся няўважлівыя, то зараз зламыснікі залазяць у пад’езд, зрываюць велазамок і крадуць транспарт, паведамляе grodno.mvd.gov.by.
«На сённяшні дзень на тэрыторыі Гродзенскай вобласці зарэгістравана 63 факты крадзяжу ровараў, у 35 эпізодах падазраваны быў усталяваны, у астатніх выпадках праводзяцца аператыўна-вышуковыя мерапрыемствы накіраваныя на ўсталяванне асобы, датычнай да здзяйснення дадзенага злачынства. Мы можам канстатаваць, што па-ранейшаму такія крадзяжы здзяйсняюцца спантана, а таму ў сілах грамадзян прадухіліць дадзенае злачынства" — распавёў намеснік начальніка УУР КМ УУС Гродзенскага аблвыканкама падпалкоўнік міліцыі Юрый Абрамаў.
1. Нельга пакідаць сваю маёмасць у месцах масавага збору людзей, або ў ціхіх скверах без выкарыстання велазамка. Калі вы адправіліся ў краму, а прышпіліць сваю маёмасць няма магчымасці, то паспрабуйце пакінуць яго пад камерамі відэаназірання.
2. Паспрабуйце зрабіць яго як мага ярчэйшым. Такім чынам, у зламыснікаў можа адпасьці жаданне забіраць маёмасць, бо яе лёгка пазнаць, ды і праваахоўнікам будзе прасцей знайсці скрадзенае.
3. Не пакідайце ровар на лесвічных пляцоўках у пад’ездах. Па-першае, такім чынам, ён становіцца лёгкай здабычай для зламыснікаў. Па-другое, за захламленне пляцовак прадугледжана адміністрацыйная адказнасць па артыкуле 21.16 КаАП Рэспублікі Беларусь.
Калі ўсё ж такі крадзяжу пазбегнуць не ўдалося, то паведаміце аб ім ў праваахоўныя органы. Раскажыце супрацоўнікам міліцыі ўсю неабходную інфармацыю пра ровар (марку, нумар рамы, калі ў вас маецца фатаграфія, перадайце яе, апішыце няспраўнасці ровара).
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…