Фантан у Гродне. Фота ілюстрацыйнае: "Гродзенская праўда"
Па традыцыі першы майскі дзень дае старт сезону фантанаў, які працягнецца да самай восені, піша grodnonews.by.
Нягледзячы на +16 ад сіноптыкаў, на адкрытых пляцоўках адчуваюцца упэўненыя +20 і вышэй.
Каб у ліку першых убачыць, як зайграе галоўны фантан Гродна, у парку Жылібера ўжо да поўдня сабраліся сотні гараджан і гасцей горада. Нягледзячы на тое, што гэты фантан сёння адкрывалі яшчэ два разы акрамя першага, такая доўгачаканая для гродзенцаў падзея выклікае ажыятаж кожны раз. Дарэчы, сімвалічнае адкрыццё арганізатары зрабілі некалькі разоў з галоўнай мэтай — каб у кожнага была магчымасць адчуць наступ цёплага сезона і ўсё ўбачыць на ўласныя вочы.
Падчас кожнага з трох адкрыццяў галоўнага фантана ў парку Жылібера госці свята ўбачылі яркую канцэртную праграму і дэфіле ў незвычайных строях ад гродзенскіх дызайнераў. Дала старт працы фантана роставая лялька «Капелька».
Сёння ў Гродне запусцілі яшчэ чатыры фантаны — адзін з іх таксама знаходзіцца ў парку Жылібера, яшчэ тры — на Савецкай плошчы, каля Драмтэатра і «Фантан Дружбы» на вуліцы Правонаберажнай. Як распавялі арганізатары, па вечарах яны будуць радаваць гродзенцаў стыльнай падсветкай. Сёння ж, дарэчы, яркае і рознакаляровае падсвятленне ўключаць і на Старым мосце.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…