У пятым туры чэмпіянату Беларусі «Нёман» у Мінску абыграў сталічнае «Дынама». Адзіны гол у матчы з пенальці забіў Валерый Жукоўскі.
Вырашальны мяч гродзенцы забілі на 90-й хвіліне. Шытаў у сваёй штрафной паваліў Алыкулава. Біць адзінаццаціметровы ўзяўся Валерый Жукоўскі. Яго дакладны ўдар і прынёс гродзенцам перамогу ў Мінску.
«Дынама-Мінск» — «Нёман» — 0:1
Ігар Кавалевіч пасля матчу:
— Напэўна, можна сказаць, што нам пашанцавала ў канцы матчу. Крыху не разабраліся з левым флангам абароны. На мой погляд, «Дынама» яшчэ не зусім згуляная каманда. Трэба ёй час, каб разгуляцца. Але вельмі моцныя індывідуальна футбалісты — і Фатаі, і Білоног. Ёсць футбалісты, якія могуць вырашыць эпізод. У цэлым, я задаволены гульнёй. І задаволены гульнёй Гулжыгіта. У нас была вымушаная перастаноўка ў складзе. Адзін з лідэраў каманды Лягчылін атрымаў траўму. Таму мы баяліся за цэнтр поля. Але Якімаў спрацаваў добра. Як, уласна, і ўся каманда.
Пасля перамогі ў Мінску гродзенцы дзеляць 6-е і 7-е месца з «Іслаччу». У каманд па 9 ачкоў. Свой наступны матч «Нёман» правядзе ў Гродне 4 мая і будзе прымаць «Тарпеда-БелАЗ».
За ўвесь час, колькі ідзе адбудова Любчанскага замка, у ім аднавілі частку абарончых сцен і…
У Гродне ўжо некалькі месяцаў затрымліваюць і судзяць за падпіску на паблік “Новости Гродно |…
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…