Cустрэча, прысвечаная Праведнікам народаў свету, палякам i беларусам, якія ратавалі яўрэяў падчас Другой сусветнай вайны, адбылася 12 красавіка ў грамадскім ліцэі Польскай Мацежы Школьнай.
На мерапрыемства сабраліся прадстаўнікі польскіх і яўрэйскіх арганізацый, грамадскiя дзеячы і выкладчыкi, дыпламаты Генконсульства Польшы ў Гродне, школьныя дэлегацыі з Дамбровы Беластоцкай i Гiмназii № 1 у Гродне.
Прысутныя маглі пазнаёміцца з 86-гадовай Леанардай Семчук (Гаўронiк), дачкой Іосіфа і Стэфаніi Гаўронiк з Навасёлак, якіх прылічылі да Праведнікаў народаў свету. Падчас нямецкая акупацыі гэтая cям’я разам з Паўлам Хармужкам хавала сваіх яўрэйскіх сяброў, якія ўцяклі з Гродзенскага гета: доктара Варышыльскага, яго жонку і іх дзяцей, а таксама яшчэ некалькі чалавек. Усяго хавалася 12 яўрэяў. Пра гэтую гісторыю Hrodna.life раскажа больш падрабязна неўзабаве.
Таксама на мерапрыемстве прайшоў канцэрт гурта «Катарынка» Музычнай Школы № 2 у Гродне і паказ дакументальнага фільма «Гісторыя Ірэны Сендлер».
Мерапрыемства арганiзавалi Асацыяцыя яўрэйска-хрысціянскага дыялогу «Шомэр-Iнтэрнэшнл» разам з яўрэйскай супольнацю Гродна і Польскім інстытутам у Мінску.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…