У Гродзенскай вобласці плануецца алічбаваць экспазіцыі музеяў і прэзентаваць віртуальныя туры па іх. Пра гэта сёння на выніковай калегіі ўпраўлення культуры паведаміў журналістам намеснік старшыні аблвыканкама Віктар Лісковіч, перадае карэспандэнт БЕЛТА. Прэзентацыя музеяў ў віртуальнай прасторы дазволіць выгадна прадставіць рэгіён на ўнутраным і знешнім турыстычных рынках, прыцягнуць у сферу новых гасцей.
— Тым больш што нам ёсць што паказаць. У вобласці нямала ўнікальных музеяў, пастаянна адкрываюцца новыя экспазіцыі. Напрыклад, толькі ў Гродзенскім раёне за апошні час адкрыліся музей пісанкі, музей беларускага ручніка, музей лялек і экспазіцыя мініяцюр значных архітэктурных аб’ектаў. Запланаваны адкрыцці новых музеяў і ў гэтым годзе, — адзначыў Віктар Лісковіч.
Ён распавёў, што ў рэгіёне распрацоўваецца таксама мабільны дадатак, які раскажа пра найбольш цікавыя славутасці і месцы адпачынку ўздоўж асноўных трас рэгіёну. Цалкам рэалізаваць яго плануецца да верасня: гэта стане адным з падарункаў да 75-годдзя Гродзенскай вобласці.
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…