Сучасны гандлёва-адміністрацыйны аб’ект з’явіцца ў бліжэйшыя гады на вуліцы Будзёнага, 44 на пустцы каля польскага Генконсульства. Цяпер праект будучага цэнтра пад гандаль і офісы праходзіць стадыю грамадскіх абмеркаванняў, піша «Вечерний Гродно».
Нагадаем, участак, на якім размесціцца будынак плошчай у 8 сотак, быў прададзены ў мінулым годзе на адкрытым аўкцыёне. Участак пад новы аб’ект мае абмежаванні: там знаходзяцца электрычныя сеткі, а сама зямля адносіцца да зоны аховы нерухомых матэрыяльных гісторыка-культурных каштоўнасцей. Пачатковы кошт зямлі тады складаў 67,5 тысяч рублёў. Уладальнікам участка стала СТАА «Неманстройинвест».
Як распавёў прадстаўнік кампаніі-заказчыка Алег Калетынскі, там з’явіцца двухпавярховы будынак прамавугольнай формы з эксплуатаванай мансардай і падвалам. Функцыянальна будынак будзе падзелены на гандлёвае памяшканне і зону пад офісы. Пасля таго, як цэнтр будзе здадзены ў эксплуатацыю, плошчы будуць распрададзеныя, а не аддадзены ў арэнду. Таму сказаць, якая крама там адкрыецца, пакуль немагчыма.
Наперадзе ў праекта некалькі узгадненняў і экспертыз, і калі яны пройдуць удала, то фірма плануе пачаць будаўніцтва ўжо ў гэтым годзе. Падрадчыкам выступіць ААТ «Гроднажылбуд».
Заўвагі датычна новага гандлёвага аб’екта можна накіроўваць у Гродзенскі гарвыканкам да 25 лютага 2019 года.
«Неманстройинвест» — гэта камерцыйная арганізацыя, якая створана па прыватнай ініцыятыве, грунтуецца на пагадненні чатырох удзельнікаў, беларускіх і расійскіх: найбуйнейшай у Гродна будаўнічай арганізацыі ААТ «Гроднажылбуд», гродзенскага ПСО «Свидравина», маскоўскага ЗАТ «Будаўнічая кампанія Рэмікс» і грамадзяніна Расійскай Федэрацыі. Статутнай фонд таварыства склаў больш за 30 тыс. долараў ЗША, сярод якіх доля замежных інвестыцый складае 65%.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…