Яўген Каралёк выйграў велагонку скрэтч на этапе Кубка свету ў Ганконгу. Пасля фінішу гродзенец святкаваў перамогу і пракаціўся па трэку з беларускім сцягам. Аднак радавацца было рана, піша «Вячэрні Гродна».
Па правілах суддзі апавяшчаюць спартсменаў ўдарамі ў звон аб тым, што ім трэба будзе апошні круг і набліжаецца фініш. Але ў гэты раз яны памыліліся і зрабілі гэта на адзін круг раней. Атрымалася, што Яўген Каралёк фінішаваў, а гонка яшчэ ішла. Затым суддзі зразумелі сваю памылку, дадалі круг і вызначылі іншых пераможцаў: кітайца, амерыканца і француза. У выніку гродзенец апынуўся на 4-м месцы.
Арганізатары не адрэагавалі на сітуацыю, няма навін і рэакцыі на сайце міжнароднай федэрацыі веласпорту.
Сам Яўген Каралёк годна паводзіць сябе ў сітуацыі, якая склалася. Ён запісаў відэа ў Інстаграм, дзе пракаментаваў скандал.
— Для нашай краіны склалася нядобрая сітуацыя, забралі перамогу, далі чацвёртае месца, хоць усе спартсмены фінішавалі на круг раней. Гэта была памылка суддзяў. Ёсць відэа доказы, але здарылася так, як здарылася, — сказаў Яўген.
www.instagram.com/p/BtGkC1FgRkM
Яўген Каралёк з’яўляецца чэмпіёнам свету і Еўропы. Яго прызналі лепшым спартсменам вобласці 2018 года.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…