Адразу некалькі гродзенцаў звярнуліся ў рэдакцыю Hrodna.life з адной праблемай: ва ўзорным гарадскім двары на Індурскай шашы пракладваюць камунікацыі. Дагледжаную зялёную пляцоўку з арт-кампазіцыямі паўскопвалі бульдозерам. Частку кустоў і дрэў зламалі, а частку засыпалі зямлёй.
У канцы 1990-х добраўпарадкоўваць двор на Індурскай шашы пачаў жыхар дома № 2 Уладзімір Мораў. За гады працы разам з аднадумцамі мужчыну ўдалося стварыць адну з самых вядомых пляцовак у Гродне, дзе ў цёплы перыяд заўсёды гуляюць дзеці. Сёння праз пляцоўку будаўнічая арганізацыя пракладае камунікацыі да новага прыпынку на Індурскай шашы.«За некалькі гадоў мы высадзілі на пляцоўцы шмат дрэў і кустоў, зрабілі ўзорны двор, — распавядае Уладзімір Мораў. — Азнаёміцца з пляцоўкай прыязджалі нават міністры ЖКГ і іншыя чыноўнікі. На базе нашага двара праводзіліся семінары па азеляненні. Зараз, мабыць, у кагосьці з’явіліся лішнія грошы і яны вырашылі пабудаваць нікому непатрэбны прыпынак з крамай па продажы цукерак. Пры пракладцы камунікацый да прыпынку будаўнікі многае нам сапсавалі».
Уладзімір Віктаравіч адзначае, што перад працамі на пляцоўцы да яго звярнуліся начальнікі будаўнічай арганізацыі. Прасілі паказаць, дзе можна капаць, каб не сапсаваць кампазіцыю двара. Але ў выніку пляцоўка пазбавілася больш дзясятка раслін і некалькіх кветнікаў.
«Я думаў, яны ўсё акуратна зробяць, а ў выніку прыгналі агромісты бульдозер і паламалі мне дрэвы: абляпіху, хвоі, куст спірэя і іншыя хмызнякі. Разбурылі клумбы з рознымі раслінамі. Унікальны кедр засыпалі зямлёй, а я яго вырошчваў з маленькай семечкі. Прыйшлося адкопваць. Звычайныя працоўныя слухаць не жадалі і ўсё рабілі па-свойму. Ведаеце, такі „Спартак“ нам не патрэбны».
Жыхары дома № 2 выступаюць за тое, каб будаўнікі кампенсавалі прычыненую ў двары шкоду. Сама пляцоўка адносіцца да двух гарадскіх ЖЭСаў: № 20 і № 17. Там сітуацыю пакуль не спяшаюцца каментаваць.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…