Суд Гродзенскага раёна прыгаварыў да 15 гадоў калоніі наркакур’ера, затрыманага на беларуска-польскай мяжы з 1 кг какаіну, піша БЕЛТА.
Як устаноўлена, дзейнічаючы ў групе з нявызначанымі асобамі, грамадзянін Сербіі і Расіі ў ліпені 2018 набыў у Сербіі какаін. Збываць тавар ён планаваў у Расіі. Мужчына размясціў наркотыкі ў схованку сваёй «Аўдзі», абсталяванай ў пустацелай прасторы паміж дахам і плафонам асвятлення. У Беларусь ён заязджаў з Польшчы праз пункт пропуску «Брузгі». Падчас агляду аўтамабіля супрацоўнікі Гродзенскай рэгіянальнай мытні выявілі партыю какаіну масай каля 1 кг.
«Абвінавачаны прызнаны вінаватым у незаконным з мэтай збыту набыцці, захоўванні і перавозцы асабліва небяспечных наркатычных сродкаў у буйным памеры, учыненых групай асоб, у незаконным перамяшчэнні праз мытную мяжу Еўразійскага эканамічнага саюза асабліва небяспечных наркатычных сродкаў у буйным памеры, здзейсненым групай асобаў па папярэдняй змове», — гаворыцца ў паведамленні прэс-службы Гродзенскага абласнога суда.
Мужчыне прызначана пакаранне ў выглядзе пазбаўлення волі тэрмінам на 15 гадоў з канфіскацыяй маёмасці з адбываннем пакарання ў папраўчай калоніі ва ўмовах узмоцненага рэжыму. Прысуд у законную сілу не ўступіў і можа быць абскарджаны і апратэставаны ва ўстаноўленым законам парадку.
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…