Гродзенскія яўрэі сабраліся ўвечары 2 снежня ў Вялікай харальнай сінагозе, каб адзначыць свята Ханукі. Традыцыйна святкаванні пачаліся з запальвання галоўных свечак балконе сінагогі.
Асноўная традыцыя Ханукі - цырымонія запальвання свечак. У Гродне яна пачынаецца з таго, што рабін Іцхак Кофман і старшыня абшчыны Барыс Квяткоўскі запальваюць першыя дзве вялікія ханукальныя свечкі, якія ўсталяваныя на фасадзе сінагогі. Сёлета ўпершыню разам з запальваннем свечак прайшоў салют.
«Мы імкнемся зрабіць вялікае свята, каб да нас прыходзіла больш людзей. Наша мара — рабіць святы яшчэ лепш. Галоўнае, каб людзям было прыемна і ўтульна ў нас і каб яны адчувалі, што сінагога гэта іх дом», — распавёў рабін Іцхак Кофман.
Пасля запальвання галоўных свечак рабін запрасіў усіх гасцей свята ў вялікую залу сінагогі, дзе была падрыхтавана канцэртная праграма, а таксама пачастункі. У гэтае свята на стале ў яўрэяў абавязкова павінны быць ханукальныя пончыкі і дранікі.
У сінагозе маленькіх гродзенцаў вучылі рабіць пончыкі, а таксама распавялі ім гісторыю свята.
Ханука — свята свечак, якое яўрэі адзначаюць штогод на працягу васьмі дзён. Свечкі запальваюць у памяць аб цудзе, які адбыўся ў час асвячэння храма пасля перамогі войскаў Іегуды Макавея над войскамі цара Антыёха ў 164 годзе да н.э. Гэтае свята вельмі важнае для яўрэяў, бо сімвалізуе, што вера ў Бога вечная, і ёсць рэчы, у прыватнасці духоўныя, якія нельга ў чалавека адабраць.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…