Яшчэ больш скульптур, дзве новых гасцініцы і чатыры хостэла і экскурсіі па закрытым прадпрыемствам. Як прыцягнуць у Гродне яшчэ большую колькасць замежных гасцей, абмеркавалі на гарадскім каардынацыйным савеце па турызме прадстаўнікі органаў улады, устаноў культуры, гасцінічнага і турыстычнага бізнесу, піша «Гродзенская праўда».
За два гады дзеяння бязвізавага ўезду Гродзеншчыну наведалі ўжо больш за 130 тысяч замежных гасцей. Больш за ўсё горад над Нёманам палюбіўся турыстам з Літвы, Польшчы, Латвіі і Германіі. Спецыялісты ўпэўнены: каб памножыць дасягнуты вынік, цікавасць замежных турыстаў трэба падаграваць новымі цікавымі прапановамі.
Узвядзенне малых архітэктурных формаў, адкрыццё назіральных пляцовак, новых музейных экспазіцый, сувенірных крам, рэкламна-інфармацыйных стэндаў на розных мовах — вуліцы горада пастаянна папаўняюцца новымі турыстычнымі аб’ектамі. Гэтую тэндэнцыю захаваюць і надалей.
Актыўна развіваецца і гасцінічны бізнэс. У Гродне працуюць 12 гасцініц, 3 хостэла і 2 санаторыя больш чым на 1200 месцаў. Але гэтага, як паказвае практыка, недастаткова. Да канца года плануецца адкрыццё яшчэ двух гасцініц і чатырох хостэлаў. А да 2020 года з новай назвай «Echeng» зноў расчыніць свае дзверы для гасцей самая буйная гасцініца горада — «Гродна», якая зараз знаходзіцца на рэканструкцыі.
У сферы грамадскага харчавання і рэстараннага бізнесу стаўку зробяць на меню з нацыянальным каларытам — паспрабаваць беларускую кухню, па словах кіраўнікоў турфірмаў, не супраць кожны замежны госць.
Разнастайнасць прыўнясуць і ў культурны складнік — магчыма, напярэдадні навагодніх святаў у цэнтры горада разгорнецца стылізаваны калядны кірмаш з сувенірамі, пачастункамі, гарачымі кавай і глінтвейнам, бо для еўрапейцаў гэта ўжо звыклы вопыт.
Скарбніца магчымасцей для прыцягнення замежных гасцей — вытворчы турызм. Паказальны прыклад — ААТ «Малочны Мір». Экскурсіі з дэгустацыяй праводзяцца на прадпрыемстве ўжо два гады. Толькі за апошніх 10 месяцаў ААТ «Малочны Свет» наведалі каля дзвюх тысяч чалавек. Гэта даказвае перспектыўнасць напрамка. Правесці турыстаў плануюць і па гістарычных, ужо закрытым прадпрыемствам і мануфактуры горада.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…