Новае моладзевае кафэ #Yellowstreet17 пачало працу ў тэставым рэжыме на вуліцы Акадэмічнай, 17. У меню ёсць сняданкі і абеды, свежая выпечка, дэсерты. Фішкай установы стане ўласная студыя, у якой будуць весці відэаблог у сацыяльных сетках.
Ва ўстанове ў найбліжэйшай будучыні гатовыя даць гасцям амерыканскую кухню з паўнавартаснымі сняданкамі і абедамі. Зараз жа кафэ ў тэставым рэжыме працуе са стандартным меню. Ёсць уласная выпечка.
Уладальнікі новага кафэ — два маладых гродзенца.
«У нас з сябрамі ўжо 15 гадоў вопыту ў грамадскім харчаванні і мы вырашылі адкрыць сваю ўстанову. Знайшлі свабодную плошчу на Акадэмічнай. Увесь рамонт рабілі самі. На працягу двух месяцаў мы будзем усё дапрацоўваць і ў пачатку лютага 2019 адкрыемся ў поўным рэжыме з добрай амерыканскай кухняй. Зможам прапанаваць піцу, пасту і многае іншае», — распавядае адзін з уладальнікаў.
Да афіцыйнага адкрыцця тут павінна быць 40 месцаў.
«У сваім кафэ мы плануем зрабіць шмат цікавага. Напрыклад, усе работнікі грамадскага харчавання будуць атрымліваць у нас зніжку да 40%, для гэтага трэба будзе запоўніць спецыяльную анкету. А яшчэ ў кафэ будзе ўласная студыя для здымак якіх-небудзь праектаў і інтэрв'ю. Таксама мы плануем весці ўласны відэаблог у сацыяльных сетках. Пакуль гэты праект мы распрацоўваем і адкрытыя да прапаноў».
У тэставым рэжыме кафэ-студыя працуе з 9.00 да 23.00. З поўным запускам час працы можа змяніцца.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…