Дзвюма буйнымі перамогамі на выездзе «Нёман» працягнуў пераможную серыю ў чэмпіянаце

Апошнія выязныя матчы на поўдні Беларусі скончыліся для каманды Сяргея Пушкова буйнымі перамогамі. Спачатку 2 лістапада «Нёман» абыграў «Гомель», а праз два дні разграміў «Металург».

У першым матчы гродзенцы ўпершыню ў сезоне абыгралі «Гомель». У гэтым паядынку хакеісты «Нёмана» ўдала згулялі ў большасці і закінулі чатыры неўзаемных шайбы суперніку. Дублямі ў матчы адзначыліся Кіслы і Елісеенка.

«Гомель» — «Нёман» — 0:4

Праз два дні гродзенцы сустракаліся ўжо з «Металургам» у Жлобіне і там таксама правялі ўдалы матч. Перамога над «Металургам» для гродзенскай стала восьмая запар у чэмпіянаце.

«Металург» — «Нёман» — 2:7

00:41 0:1 — Смураў (Маліноўскі, Крыскін)
02:10 1:1 — Слыш (Фяклістаў, Марчанка, — бол.)
11:59 1:2 — Елісеенка (Рэмезаў)
20:59 1:3 — Рэмезаў
24:49 1:4 — Ляўша (С.Маляўка)
29:50 2:4 — Фяклістаў (Васільчук)
35:49 2:5 — С.Маляўка (Ляўша)
44:13 2:6 — Кіслы (Рэмезаў)
58:21 2:7 — Ляўша (Елісеенка, Рэмезаў, — бол.)

Сяргей Пушкоў пасля матчу ў Жлобіне:

— Мне спадабалася, як нашы хакеісты падышлі да сённяшняга матчу. Зрабілі практычна ўсё, што запланавалі. Добрая гульня ў атацы, якая дазваляла нам кантраляваць матч, за выключэннем васьмі хвілін другога перыяду, калі гаспадары дадалі ў актыўнасці, і стварылі добрыя моманты. Своечасова забілі пяты гол, які прыпыніў гульню, і практычна вызначыў пераможцу. Аддам належнае гульцам «Металурга» за тое, што працавалі да фінальнай сірэны.
Сваіх хлопцаў павіншаваў з перамогай, і з тым, што паказалі выдатны, калектыўны хакей. Яшчэ раз адзначу правільнае стаўленне да сённяшняга матчу. Забілі добрыя, і што важна, лагічныя галы пасля выдатных камбінацый.

Турнірная табліца напярэдадні міжнароднай паўзы выглядае наступным чынам:

Наступны матч «Нёман» правядзе ў Гродне 13 лістапада і будзе прымаць жлобінскі «Металург».