Рэстаран «Беласток» размесціцца на цокальным паверсе бізнес-цэнтра «На Віленскай». Установу рыхтуюць да адкрыцця ўжо некалькі месяцаў. Калі пашанцуе, «Беласток» адкрыецца да канца 2018 года.
Пра канцэпцыю ўстановы і дату адкрыцця ўладальнік гаварыць не спяшаецца. Вядома, што ў яго ўжо ёсць даволі паспяховы рэстаран у Міры. Там акцэнт зроблены на беларускую кухню. Ёсць верагоднасць, што і ў гродзенскай установе будзе нешта падобнае.
Назву «Беласток» уладальнік выбраў не проста так. У гэтым жа будынку, толькі паверхам вышэй, з 1974 года працаваў вядомы ў горадзе рэстаран «Беласток». З 1985 года памяшканне пуставала, рэстаран пераехаў у будынак на скрыжаванні Гараднічанскай і Тэльмана. Праз 32 гады, у лютым 2017 года, у памяшканнях былога рэстарана адкрыліся фірмовы магазін і кавярня «Камунарка».
Праект арыгінальнага рэстарана «Беласток» выконвалі беластоцкія архітэктары, элементы інтэр'еру, мэблю і сервіроўкі прывезлі з Польшчы. Польскія акцэнты былі і ў меню: можна было, напрыклад, замовіць «татар» — так у Польшчы называюць страву з сырой прапушчанай праз мясарубку ялавічыны з цыбуляй і сырым жаўтком. «Беласток» доўгі час лічыўся адным з лепшых месцаў Гродна, у нейкім сэнсе нават элітным. Туды не проста хадзілі паабедаць, а адпачыць.
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…
Віцэ-спікер Сената Польшчы Мацей Жыўна ўмяшаецца ў пытанне з закрытай мяжой. Ён звернецца ў Міністэрства…
Мост праз Юрысдыку на вуліцы Філарэта (былая Горкага) ў Гродне чакае капітальны рамонт. У час…
У Лідзе сілавікі затрымалі пяць чалавек. Гродзенку Валерыю Латаш судзілі за атрыманне замежнай дапамогі. Бондарава…