Ужо год пальчаткавая фабрыка размяшчаецца ў незанятых памяшканнях «Элод» на вуліцы Валковіча, а вялізны трохпавярховы будынак у самым цэнтры горада зменіцца, піша «Вячэрні Гродна».
Пытанне аб тым, што абодва прадпрыемствы лёгкай прамысловасці - ААТ «Гродзенская пальчаткавая фірма» Акцэнт" і ААТ «Швейна-гандлёвая фірма „Элод“» — могуць размяшчацца ў адным месцы, абмяркоўвалася некалькі гадоў. Неабходнасць пераезду тлумачылася тым, што вытворчасць у абедзвюх фабрык моцна скарацілася, вялікія прасторы апынуліся непатрэбнымі. Да прыкладу, толькі «Акцэнт» належаў будынак плошчай 7500 квадратных метраў, аднак пад вытворчасць было занята ня больш за чвэрць, астатняе знаходзілася ў арэндзе, частка памяшканняў і зусім пуставала.
— Вытворчасць была раскідана, гэта ўскладняла працоўны працэс. Цяпер на «Элод» мы займаем толькі 2 тысячы квадратных метраў - тут кампактна і добра. Зрабілі рамонт, усталявалі сучасную вытворчасць. І работнікі задаволеныя, — патлумачыла кіруючая ААТ «Гродзенская пальчаткавая фабрыка «Акцэнт» Галіна Кулакоўская.
Пасля змены адрэсы на фабрыцы скарацілі штат. Аптымізацыю правялі за кошт інжынерна-тэхнічных работнікаў, падсобнага персаналу і прыбіральшчыкаў, працоўных стараліся не звальняць. Зараз на прадпрыемстве працуе 150 чалавек.
Памяшканні на Маставой вуліцы аддалі ў арэнду. Тут знаходзяцца некалькі кафэ і фітнес-клуб.
— Арэнда прыносіць невялікі, але стабільны даход. Плата невялікая, каб не спудзіць арандатараў, так як стан некаторых памяшканняў пакідае жадаць лепшага, — дадала Галіна Кулакоўская.
ААТ «Гродзенская пальчаткавая фабрыка «Акцэнт» было заснавана ў 1967 годзе. У 2005 годзе на прадпрыемстве ўкаранёна міжнародная сістэма менеджменту якасці СТБ ISO 9001. У год выпускаецца каля 300 тысяч пар пальчатак для кліентаў ўсіх узростаў. У асартыменце — больш за 200 мадэляў.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…