Цяпер гродзенцы з парушэннямі слыху могуць звяртацца ў цэнтр з дапамогай даступных ім відаў сувязі: праграм IP-тэлефаніі, такіх як Skype і іншых, факсімільнай сувязі, смс-паведамленняў, праграмнага забеспячэння для мабільных сродкаў сувязі (WhatsApp, Viber і іншых) ці асабіста прыйсці на прыём, піша «Гродзенская праўда».
Гэта другі падобны цэнтр у Беларусі пасля Мінска. Размясціўся цэнтр на базе абласной арганізацыі грамадскага аб’яднання «Беларускае таварыства глухіх» на вуліцы Савецкай.
У цэнтры перакладчык мовы жэстаў выступае ў ролі аператара. Ён запытвае сутнасць звароту і месца знаходжання таго, хто звярнуўся, пасля чаго звязваецца з неабходнай службай або арганізацыяй. Атрыманую інфармацыю перадае ў цэнтр чалавеку. Калі спатрэбіцца выклік экстранай службы, яму раскажуць пра час яе прыбыцця. Паслуга прадугледжвае аказанне пасрэдніцкай дапамогі, якую можна аказаць з выкарыстаннем сродкаў сувязі: тэлефона, інтэрнэту. У штаце цэнтра працуюць чатыры перакладчыка мовы жэстаў, прычым кругласутачна. А значыць, звярнуцца да іх можна ў любы час дня або ночы.
Заказчыкам паслугі выступае ўпраўленне сацыяльнай абароны адміністрацыі Ленінскага раёна горада Гродна, а выканаўцам — абласная арганізацыя грамадскага аб’яднання «Беларускае таварыства глухіх».
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…