12 жніўня ў Гродне з чацвёртага паверху выкінулі сабаку. Валанцёры Пункта ўтрымання безнаглядных жывёл назвалі яго Грэем і адправілі ў ветклініку «Друзья». Зараз Грэй аднаўляецца і знайшоў часовую ператрымку. Валанцёры просяць дапамагчы ў зборы сродкаў на лячэнне.
«Здароўе яго, вядома, падарванае, — пішуць валанцёры. — Вывіх левай тараннай косткі, пераломы I і V левых пястных костак, расколіна IV левай пястнай косткі, ўдары па ўсім целе. Усё баліць, ные і турбуе. Падняцца сам ён не можа. Яшчэ не вырашана пытанне з вывіхам сустава, трэба паказацца некалькім спецыялістам. Але мы жывыя і настроены пазітыўна. Апетыт паляпшаецца, што таксама толькі на карысць».
На 14 жніўня доўг перад клінікай «Друзья» складае 258,25 рублёў. Пункт ўтрымання безнаглядных жывёл не можа самастойна выплаціць грошы. Грэю вельмі патрэбныя пялёнкі, хоць ён і выхаваны і трывае да апошняга.
Дапамагчы можна, ахвяраваўшы суму непасрэдна ў клініцы «Друзья» з пазнакай «для Грэю», перадаць праз валанцёраў альбо пералічыць на карту. За рэквізітамі звяртайцеся да валанцёраў. На 15 жніўня сабралі ўжо 83 рублі.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…