Гродзенскі блогер-краязнаўца Яўген Аснарэўскі 8 чэрвеня прадставіў грамадскасці сваю онлайн-мапу «Палацы Гароднi», на якой адзначыў 18 важных лакацый. На мапе змешчаны не толькі захаваныя палацы, але і месцы разбураных будынкаў горада. Для ўсіх палацаў на мапе ёсць выявы і аппісанне.
Такую мапу Яўген ствараў для гродзенцаў і турыстаў, якія гатовыя пазнаёміцца з архітэктурнай спадчынай Гродна, якая засталося ад арыстакратаў Рэчы Паспалітай. На мапе можна ўбачыць месца занёманскага палаца Радзівілаў, усе палацы апошняга караля Рэчы Паспалітай Станіслава Аўгуста Панятоўскага і многія іншыя палацы Гродна.
Яшчэ раней блогер напісаў дэтэктыў пра скарб апошняга караля і прыгоды мясцовых гісторыкаў, а таксама распрацаваў мапу і маршрут па яўрэйскай спадчыне Гродна.
«Мой новы праект прызначаны для шырокага выкарыстання, але ў першую чаргу для тых, хто цікавіцца гісторыяй Гродна, — распавядае Яўген. — Мяне прыцягвае магчымасць асвятляць гісторыю шляхецкіх родаў і паказваць справы арыстакратыі, якая тварыла лёсы цэлых дзяржаў. Гэтая гісторыя шмат гадоў вяршылася ў Гродне, што быў, фактычнай, сталіцай ВКЛ пасля падзення значэння Вільні ў XVII стагоддзі. Палацы, якія служылі жытлом для магутных людзей мінулага, цяпер не толькі помнікі архітэктуры, але і рэальны напамін пра значэнне горада ў былыя часы. Гэта тое, што можа дапамагчы гродзенцам яшчэ больш палюбіць роднае месца і ганарыцца ім. Ну і, вядома, такая мапа можа спатрэбіцца турыстам, якіх становіцца ў Гродне ўсё больш».
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…