Паляк за рулём Opel Zafira пратараніў браму на мяжы і на вялікай хуткасці паехаў далей у Беларусь. Яго затрымалі беларускія пагранічнікі каля 500 м ад мяжы, расказала Катажына Здановіч з прэс-службы Падляшскага аддзялення Польскай памежнай службы.
Здарэнне адбылося 15 мая. Каля 19.00 польскага часу ў ваколіцы мястэчка Ялоўка (Jałówka) камеры польскіх памежнікаў зафіксавалі аўто, якое пратараніла закрытую браму на выездзе з Польшчы. Гэта ўчастак мяжы непадалёку ад Белавежскай пушчы, дарога, перасечаная мяжой, далей ідзе ў кірунку райцэнтра Свіслач.
Мужчына праехаў уздоўж мяжы каля 10 км, але не аддаляўся ад яе больш чым на 500 м. Па інфармацыі беларускіх памежнікаў, у затрыманага мужчыны не было пры сабе ніякіх дакументаў, ён быў п’яны. Выразна растлумачыць свой учынак ён не змог
У дачыненні да затрыманага ўзбуджаная крымінальная справа па ч.1 арт. 371 КК (наўмыснае незаконнае парушэнне дзяржмяжы на механічным транспартным сродку). Да высвятлення ўсіх абставінаў яго змясцілі ў ІЧУ Гродзенскай памежнай групы, паведамілі ў прэс-службе Дзяржпагранкамітэта.
У той жа дзень на брэсцкім участку палякі заўважылі сляды нелегальнага пераходу мяжы. Беларускія калегі па іх інфармацыі затрымалі грамядзяніна Германіі, які, як аказалася, падарожнічаў па ваколіцы на ровары і выпадкова стаў нелегалам.
Абодва затрыманыя мужчыны будуць перададзеныя польскаму боку.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…