У аўторак 15 мая зоаабарончая арганізацыя «Адданае сэрца» і кіналагічны клуб «Сатурн» правядуць «вясельны» флэшмоб жывёл. Мэта — прыцягнуць увагу грамадства да праблемы бездаглядных жывёл.
У час мерапрыемства «жаніх» і «нявеста» разам з 10 «гасцямі» пройдуць парадам па цэнтры Гродна. У канцы яны будуць пазіраваць для «вясельнай» фотасесіі на Савецкай плошчы. У жывёл будзе шыльда, дзе будзе напісаны заклік да ўладальнікаў жывёл, каб яны не пакідалі сваіх гадаванцаў.
«Жаніхом» і «нявестай» стануць сабакі Бася і Грэта. Яны «пазнаёміліся» адзін з адным, яшчэ будучы на вуліцы, — кажа дызайнер касцюмаў Дар’я Чэравач. — Потым яны апынуліся ў адным вальеры ў прытулку «Адданага сэрца». Зараз яны працягваюць быць разам, бо іх гаспадары сябруюць".
«Вялікая колькасць беспрытульных катоў і сабак — гэта жывёлы, якіх выкінулі нядбайныя гаспадары, — паведамляе кіраўнік „Адданага сэрца“ Алена Шыманіца. — Як толькі людзі перастануць выкідваць гадаванцаў на вуліцу, праблема бездаглядных жывёл у Беларусі вырашыцца назаўжды».
На думку арганізатараў акцыі, самым эфектыўным спосабам вырашэння гэтай праблемы стане прыняцце закона аб адміністрацыйным пакаранні людзей, якія выкідваюць жывёл на вуліцу і ўвядзенне абавязковага чыпіраванне або кляймення. Таксама гэты крок прынясе дадатковыя выгады: зніжэнне бюджэтных расходаў на ўтрыманне брыгад па адлове, транспарт і на медыцынскія сродкі на ўсыпленне жывёл.
«Праблема бездаглядных жывёл у Беларусі становіцца з кожным годам усё вастрэйшай, — распавядае аўтар ідэі Міхаіл Ліс. — Многія пакінутыя гаспадарамі коткі і сабакі гінуць на вуліцы, ператвараюцца ў агрэсіўныя зграі і павінны быць вылаўленыя і забітыя ў адпаведнасці з заканадаўствам краіны. За 2017 год толькі ў Гродне было адлоўлена больш за 4 тысячы катоў і сабак, што адно насельніцтву буйнога пасёлка».
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…