Беласток і Гродна афіцыйна сталі гарадамі-партнёрамі 16 сакавіка. Пра супрацоўніцтва двух гарадоў дамову падпісалі старшыня гродзенскага гарвыканкама Мечыслаў Гой і прэзідэнт Беластока Тадэвуш Трускалоўскі.
Дамову падпісалі, каб зблізіць мясцовыя ўстановы, якія, як чакаецца, стануць больш цесна супрацоўнічаць адзін з адным, абменьвацца вопытам у арганізацыі мясцовага самакіравання, а таксама будуць разам ладзіць сацыяльныя, культурныя, спартыўныя мерапрыемствы.
— Міжнароднае супрацоўніцтва — найбольш эфектыўны спосаб прасоўвання горада за мяжой, — сказаў Тадэвуш Трускалоўскі. — Акрамя таго, ёсць прамое ўздзеянне па такіх пытаннях, як прыцягненне інвестыцый, развіццё турызму і культурнага абмену, паведамляе wyborcza.pl.
Да прыкладу, дзякуючы дамове аб партнёрстве гарадоў, універсітэт Беластока з 2009 года праводзіць сумесныя семінары і абменьваецца студэнтамі на час навучання з амерыканскім універсітэтам Вісконсін. Мяркуюць, што так жа будзе і з гродзенскім пагадненнем — абодва гарады хочуць прыцягнуць установы, арганізацыі і прадпрыемствы, якія будуць падпісваць асобныя дамовы паміж сабой і распрацоўваць канкрэтныя праграмы супрацоўніцтва.
Цікава, што польскія СМІ пішуць, што гэта першая дамова пра супрацоўніцтва. Паводле ж інфармацыі гродзенскага гарвыканкама, мы гарады-пабрацімы з 1960 года.
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…