У Дзень роднай мовы — 21 лютага — у Гродне пройдзе «Жывая Бібліятэка: мовы свету», дзе гродзенцам прапануюць паслухаць мовы розных народаў, груп і краінаў.
Падчас мерапрыемства можна будзе пачуць больш за 15 розных моваў - ад карэйскай і кітайскай, праз арабскую, літоўскую, нямецкую, гішпанскую, сербскую па афрыканскія мовы ігба і ндаў, а таксама беларускую і рускую.
Пра іх распавядуць насьбіты моваў, якія жывуць у Гродне, а таксама людзі, якія з захапленнем іх вывучаюць. Яны пазнаёмяць ахвотных з гісторыяй мовы, распавядуць, на якіх тэрыторыях гэтымі мовамі карыстаюцца, а таксама навучаць асноўным словам і карысным зваротам.
«Жывая бібліятэка» — гэта незвычайная бібліятэка. Замест звыклых кніг тут выступаюць жывыя людзі са сваімі гісторыямі, якімі яны гатовы падзяліцца з чытачамі.
Прынцып працы «Жывой бібліятэкі» такі самы, як і ў звычайнай: «чытачы» прыходзяць, запаўняюць «бібліятэчную картку», выбіраюць «кнігу» і «чытаюць» яе на працягу пэўнага часу. Падчас «Жывой Бібліятэкі» адбудуцца тры раунды прэзентацыі, таму прысутныя змогуць паразмаўляць з 1−3 «кнігамі».
Мерапрыемства адбудзецца 21 лютага (серада) у 18.30 па адрасу Будзённага 48а-86 (уваход з унутранага дворыка ў будынку польскага пасольства). Уваход вольны!
Міжнародны дзень роднай ровы адзначаюць ва ўсім свеце 21 лютага з 1999 году. Гэты дзень быў абраны таму, што ў яго у 1952 годзе загінулі пяць студэнтаў, якія змагаліся за наданне мове бангла статусу дзяржаўнай у тагачасным Пакістане, усходняя частка якога пазней стала незалежнай дзяржавай Бангладэш.
Арагнізатарам «Жывой бібліятэкі: мовы свету» з’яўляецца ГА «Цэнтр «Трэці сектар». Мерыпрыемства арганізуюць у межах цыклу сустрэч Tandem Evenings in Hrodna.
Спіс будучых арандатараў шматфункцыянальнага комплексу ў будынках былога гродзенскага піўзавода ўжо часткова гатовы. Частка комплексу…
Упакоўшчык адной з фірмаў у Гродне выйшаў з дому ў 13.20 і "прадэманстраваў" на левай…
XIV Рэспубліканскі фестываль нацыянальных культур у Гродне традыцыйна пачнецца агульным шэсцем дыяспар, пасля якога на…
Увечары гродзенка прывязала ланцужок з сабакам да лаўкі. Па яго яна не вярнулася. Так пенсіянерка…
У выніку ўзлому зламыснікі завалодалі персанальнымі дадзенымі ўладальнікаў акаўнтаў на сайтах realt.by, kvartirant.by і mls.realt.by,…
Вулічная кавярня ў французскім стылі адкрыецца проста ў двары Новага замка. Яно будзе працаваць толькі…