З 2016 года, калі пачалася рэканструкцыя магістралі, якая злучае Мінск з Гродна, на ёй адбыліся 11 дарожна-транспартных здарэнняў, у якіх пяць чалавек загінулі і восем былі параненыя. ПрычынаміДТЗ часцей за ўсё станавіліся лабавыя сутыкненні. Як знізіць аварыйнасць?
На паседжанні абласной камісіі па забеспячэнні бяспекі дарожнага руху адзначылі, што падчас рэканструкцыі М6 рэалізуецца нямала тэхнічных новаўвядзенняў, якія знізяць аварыйнасць, піша «Гродзенская праўда». Гэта ў першую чаргу ўстаноўка суцэльнага высокага борта з бетону на раздзяляльнай паласе — так званых дэльтаблокаў.
Сёння такую агароджу ўстанавілі на ўчастку 197−211-ы кіламетры ў Шчучынскім раёне, і там рух транспарту пушчаны па чатырох палосах. Тут будзе працаваць новая дарожная тэхніка, асабліва ў час моцных снегападаў. Такі ж участак з суцэльным раздзяляльным бар’ерам і рухам па чатырох палосах будзе адкрыты ў зоне з 91-га па 130-ы кіламетры. Але там дэльтаблокі стаяць на адкрытых участках. На іх дадаткова ўсталююць уздоўж дарогі снегастрымлівальныя шчыты.
[irp posts="46 797″ name="На М6 сутыкнуліся грузавікі з пяском, якія цалкам перакрылі праезд"]
Таксама, на участках дарогі, якія рэканструююць, выставяць мабільныя датчыкі кантролю хуткасці, асабліва ў аварыйна небяспечных месцах на тэрыторыі Іўеўскага і Лідскага раёнаў. На скрыжаванні дарог Р51 Астрыно-Ваўкавыск і Н6002 Шчучын-Каменка-Скідзель пабудуюць малую кальцавую развязку.
У гэтым годзе яшчэ адзін светлафор з’явіцца на вуліцы Паповіча. Таксама пачынаецца добраўпарадкаванне тратуара на вуліцы Ткацкай у мікрараёне Ласосна. Вонкавыя сістэмы відэаназірання ўсталююць на ўездах у Гродна з боку межаў з Польшчай і Літвой, а таксама з мінскага напрамку.
[irp posts="42 039″ name="Ратуючы палі, на трасе М6 створаць сістэму адводу вады"]
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…