Шэсць месяцаў спатрэбілася для таго, каб падоўжыць на 550 метраў праз пустку і чыгуначны тунэль вуліцу Гаспадарчую з рухам транспарту па чатырох палосах. Яна злучыла паміж сабой вуліцы Мясніцкую і Курчатава, піша «Гродзенская праўда».
«У гэтай зоне знаходзіцца нямала аб’ектаў паўночнага прамысловага вузла „Грандзічы“ і такая дарога была патрэбна ім як паветра,» — сказаў старшыня Гродзенскага гарвыканкама Мечыслаў Гой.
Ён падзякаваў адміністрацыі СЭЗ «Гроднаінвест» за тое, што ўклалі немалыя сродкі ў праектаванне і будаўніцтва вуліцы, чыгуначнага тунэля. На падоўжаным участку вуліцы Гаспадарчай ёсць вольныя пляцоўкі для новых вытворчасцяў, якія гарадскія ўлады прапануюць інвестарам ужо ў наступным годзе.
Таксама Мечыслаў Гой расказаў, што вырашаецца пытанне аб працягу Гаспадарчай да вуліцы Дубко.
Кіраўнік адміністрацыі СЭЗ «Гроднаінвест» Сяргей Ткачэнка сказаў, што, акрамя гэтай вуліцы, яны ўвялі ў эксплуатацыю каля двух кіламетраў дарог у Аульскім прамысловым вузле. На іх ўстаноўлена вонкавае асвятленне, шэсць прыпыначных павільёнаў, абсталявана сістэма ліўневай каналізацыі з ачышчальнымі збудаваннямі.
Рэзідэнтамі свабоднай эканамічнай зоны ў гэтым годзе інвеставана ў Гродна больш за 8 мільёнаў беларускіх рублёў.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…