Навагодні канцэрт «Партызаны каляднага лесу» гурт «Крамбамбуля» зайграе ў мінскім Prime Hall 21 снежня. Гледачоў чакаюць лепшыя песні гурта, канцэптуальнае сцэнічнае шоў і кілатоны навагодняга настрою. На канцэрце гэтаксама выступяць і гарадзенскія музыкі Алесь Дзянісаў і Пётр Клюеў.
— У кожным калядным лесе ёсць свае партызаны. Яны дапамагаюць святому Мікалаю: ахоўваюць елкі і зайцоў, сочаць, каб ніхто не сапсаваў добрым людзям свята. Прапануем прыяднацца да нашага вясёлага патруля і праспяваць разам пару дзясяткаў песень, — кажуць музыкі «Крамбамбулі».
Напярэдадні канцэрта на старонцы ў ВК з’явілася інфармацыя, што на выступ запрошаныя яшчэ некалькі музыкаў - Юрый Стыльскі (ДАЙ ДАРОГУ!), Пётр Клюеў (лідэр гурта Amplituda Śmielaści і ўдзельнік ЛСП), а таксама Алесь Дзянісаў (DZIЕCIUKI). «Ніхто з іх з „Крамбамбуляй“ раней не спяваў, але мы добра ведаем іх здольнасьці і ўпэўненыя, што гэта будзе моцна!»
У вядомым беларускім гурце ўжо грае адзін гарадзенец — Павел Трыпуць, які колькі гадоў таму з’ехаў у Мінск.
Гурт «Крамбамбуля» быў заснаваны ў 2002 годзе. Сучасны склад: Лявон Вольскі (вакал, гітара), Павел Трыпуць (вакал, гітара), Павел Аракелян (вакал, саксафон), Андрэй Якубчык (вакал, труба), Алесь-Францішак Мышкевіч (вакал, бас-гітара), Павел Мамонаў (бубны).
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…