У гэтым годзе ў Гродзенскай вобласці рэзка павялічылася колькасць злачынстваў, здзейсненых у сацыяльных сетках. Толькі за 11 месяцаў 2017 года было ўзбуджана больш за 80 падобных спраў, расказвае «Гродна Плюс».
Ашуканцы ўзломваюць электронную скрыню і мяняюць паролі ў сацыяльных сетках. Далей ўступаюць у перапіску з сябрамі, нібыта ад імя карыстальніка. Сэнс размовы зводзіцца да просьбы пералічыць грошы пад самымі добрапрыстойнымі падставамі. Схема, па якой дзейнічаюць злачынцы, даволі простая і адпрацавана гадамі. Менавіта таму спрацоўвае амаль у ста працэнтах выпадкаў.
«Калі ён дае, як ён думае сябру рэквізіты банкаўскай карткі, гэта інфармацыя, якая намаляваная на пярэднім і адваротным баку: нумар, тэрмін дзеяння, імя. Пасля гэтага з карт рахунка знікаюць усе грошы», — расказвае Сяргей Чарняк, начальнік аддзела па раскрыцці злачынстваў у сферы высокіх тэхналогій крымінальнай міліцыі УУС Гродзенскага аблвыканкама.
У асноўным сумы, выкрадзеныя ў гродзенцаў такім чынам, вар'іруюцца ад 50 да тысячы рублёў. Усё залежыць ад плацежаздольнасці пацярпелых і, вядома, ад апетытаў махляроў. А вось раскрываць такія злачынствы даволі складана. Калі яшчэ пару гадоў таму штогод гродзенскія праваахоўнікі затрымлівалі прыкладна 4 такія злачынныя групы, то зараз яны фактычна няўлоўныя. Бо ў 90% выпадкаў віртуальныя крадзяжы здзяйсняюцца з тэрыторыі іншых дзяржаў.
«Цяпер абазначылася такая тэндэнцыя, сталі здзяйсняць злачынствы з-за межаў Рэспублікі Беларусь. Па вялікім рахунку яны здзяйсняюць там, дзе жывуць. Як паказвае практыка, яны альбо раскрываюцца праз некаторы час альбо наогул не раскрываюцца» — кажа Сяргей Чарняк.
Прагнозы на перспектыву праваахоўнікі даюць таксама вельмі несуцяшальныя. Колькасць віртуальных злачынстваў будзе расці ў геаметрычнай прагрэсіі. А паралельна развіццю высокіх тэхналогій, шанцы знайсці ашуканцаў будуць змяншацца. Менавіта таму, галаўнае — не стаць ахвярай. Паролі для электроннай скрыні выбіраць складаныя, а калі падчас перапіскі з сябрамі, з’яўляецца грашовае пытанне — прапанаваць абмеркаваць яго падчас тэлефоннай размовы.
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…