Гродзенца Анатоля Мышкевіча, які сабраў больш за 250 подпісаў за добраўпарадкаванне закінутай тэрыторыі паміж дамамі, ўстаноўку дзіцячай і спартыўнай пляцовак на Індурскай шашы ў мікрараёне Вішнявец-1, 22 лістапада запрасілі на сустрэчу са старшынёй гарвыканкама Мечыславам Гоем. Кіраўнік горада паабяцаў актыўнаму гараджаніну, што ў 2018 годзе праблемны ўчастак прывядуць у парадак.
Зараз частку пустыра займаюць аўто, бо каля дамоў не хапае парковачных месцаў. Большасць жа тэрыторыі гэта проста трава, пасярэдзіне — разбітыя баскетбольныя кольцы. У дождж пустыр ператвараецца ў непраходнае балота.
«Сустрэчай у гарвыканкаме я задаволены, — распавядае Анатоль. - Толькі ўжо нешта рабіць будуць у 2018 годзе, бо ў гэтым ужо позна. На якім-небудзь з суботнікаў плануецца азеляненне ўчастка, з’явяцца лаўкі і дзіцячая пляцоўка.
Кіраўніцтва горада прапануе прыцягнуць жыхароў мікрараёна. Таксама ў гарвыканкаме паабяцалі разглядзець пытанне з парковачнымі месцамі на вуліцы".
Пустыр існуе на Індурскай шашы ўжо 25 гадоў. Ва Упраўленні архітэктуры і горадабудаўніцтва Гродзенскага гарвыканкама распавялі, што калі планавалася будоўлю мікрараёна Вішнявец-1, вялікі ўчастак зямлі адвялі для будаўніцтва дзіцячага сада. Прайшло шмат год і дадатковая дашкольная ўстанова не спатрэбілася, а вялікая тэрыторыя так і засталася пуставаць.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…