Гродзенец Анатоль Мышкевіч сабраў больш за 250 подпісаў за ўпарадкаванне пустыра ў дварах на Індурскай шашы і за ўстаноўку там дзіцячай і спартыўнай пляцовак. Ён занёс прапанову ў гарвыканкам 8 лістапада.
Частку закінутай тэрыторыі зараз займаюць аўто, бо каля дамоў на Індурскай шашы не хапае парковачных месцаў. Большасць жа тэрыторыі гэта проста трава, пасярэдзіне — разбітыя баскетбольныя кольцы. У дождж пустыр ператвараецца ў непраходнае поле.«Я жыву на Індурскай шашы 25 гадоў і тэрыторыя пустуе ўвесь гэты час, — распавядае Анатоль. — У нас у мікрараёне няма зон адпачынку. Можна заняцца нашай тэрыторыяй, пасадзіць там дрэвы, паставіць лаўкі і ўсталяваць якую-небудзь дзiцячую i спартыўную пляцоўкi, як у новых дварах. Думаю, гэта з гарадскога бюджэту вялікіх сродкаў не пацягне».
Са словаў Анатоля, людзі ахвотна падпісваліся за добраўпарадкаванне і нармальныя пляцоўкі. У гарвыканкаме паабяцалі адказаць на зварот цягам двух тыдняў.
Ва Упраўленні архітэктуры і горадабудаўніцтва Гродзенскага гарвыканкама распавялі, што калі планавалі будоўлю мікрараёна Вішнявец-1, вялікі ўчастак зямлі на Індурскай шашы адвялі для будаўніцтва дзіцячага сада. Прайшло шмат год і дадатковая дашкольная ўстанова не спатрэбілася, а вялікая тэрыторыя так і засталася пуставаць.
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…
Навучэнка з Гродна была падпісаная на "NЕХТА" і "TUT.BY" у Telegram. Іх на яе iPhone…
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…