Дабрачынная выстава «Змяняючы рэальнасць» адкрылася ў Дзяржаўнай галерэі Сопата (Польшча) 26 кастрычніка. Суарганізатарам выставы стаў Гродзенскі дзіцячы хоспіс. Сродкі ад продажу карцін пойдуць на дапамогу двухгадовай Дашы Кавалеўскай. На выставе прадстаўлены працы 11 фотамастакоў і жывапісцаў з Гродзеншчыны.
Даша Кавалеўская не можа дыхаць самастойна і увесь час знаходзіцца на апараце штучнай вентыляцыі лёгкіх у рэанімацыі дзіцячай бальніцы. Каб яна змагла вярнуцца дадому, трэба сабраць на аперацыі каля 15 000 еўра. «У гэтай акцыі мы бачым аб’яднанне мастацтва і добрых справаў для дапамогі бліжняму», — кажа Вольга Вялічка дырэктарка дзіцячага хоспіса.
Прадстаўленыя карціны маюць розныя сюжэты: «ад сарказму да лірызму» — ахарактарызавала іх мастацтвазнаўца Наталля Паўленка. Ян кажа, што галоўная мэта выставы — не толькі пазнаёміць з мастацтвам Гродзеншчыны, але і даць нагоду паразважаць над магчымасцю змяняць рэальнасць і не залежаць ад межаў.
Свае працы на дабрачыннасць ахвяравалі чальцы саюза польскіх мастакоў на Беларусі. Падтрымку ў арганізацыі выставы аказала Генеральнае консульства Польшчы ў Гродне. Дзяржаўная Галерэя Сопата (Państwowa Galeria Sztuki) знаходзіцца на трэцім месцы ў рэйтынгу польскіх галерэй і штомесяц збірае ў сваіх сценах каля 5 тысяч наведвальнікаў.Па інфармацыі на 28 кастрычніка 4 працы з 11 ужо знайшлі пакупнікоў.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…