Светлана Дмитриева
Шэсць гадоў турмы з канфіскацыяй маёмасці прысудзілі намесніцы старшыні Гродзенскага абласнога камітэта прыродных рэсурсаў і аховы навакольнага асяроддзя Святлане Дзмітрыевай. Па матэрыялах справы, яна папярэдзіла буйнога вытворцу падлог і ДСП у Смаргоні аб маючых адбыцца праверках, а таксама падказала кіраўніцтву аднаго з заводаў, як схаваць у дакументах шкоду для прыроды, каб звесці да мінімуму штрафы за забруджванне паветра і вады.
Так завод змог схаваць шкоду ў 10 разоў больш за названую, перадае ОНТ.
Следства таксама высветліла, што не аднойчы чыноўніца атрымлівала хабар прадукцыяй заводаў і фірм, на якія сама выязджала з праверкай.
Генадзь Мазайла, старшы памочнік пракурора Гродна:
«Па сукупнасці злачынстваў, ёй прызначана канчатковае пакаранне ў выглядзе шэсць гадоў пазбаўлення волі з канфіскацыяй усёй маёмасці са штрафам у памеры 300 базавых велічынь. Таксама абвінавачаная пазбаўленая права займаць пасады, звязаныя з выкананнем арганізацыйна-распарадчых абавязкаў, юрыдычна значных дзеянняў і прадстаўніка ўлады тэрмінам на пяць гадоў».
Сваю віну Дзмітрыева не прызнала. Зносіны з камерцыйным дырэктарам прадпрыемства лічыла гутаркамі дзвюх жанчын, а парады сяброўскімі. На абскарджанне прысуду ў яе ёсць 10 дзён. Таксама зараз вырашаецца пытанне аб тым, хто пакрые дзяржаве шкоду ў 460 тысяч рублёў.
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…
Віцэ-спікер Сената Польшчы Мацей Жыўна ўмяшаецца ў пытанне з закрытай мяжой. Ён звернецца ў Міністэрства…
Мост праз Юрысдыку на вуліцы Філарэта (былая Горкага) ў Гродне чакае капітальны рамонт. У час…
У Лідзе сілавікі затрымалі пяць чалавек. Гродзенку Валерыю Латаш судзілі за атрыманне замежнай дапамогі. Бондарава…
9 траўня ў Гродне адбудзецца маштабнае святкаванне Дня Перамогі. У 2024 годзе ў Беларусі адзначаюць…