У пачатку кастрычніка аднавіліся працы па рэстаўрацыі лямуса на тэрыторыі Брыгіцкага кляштара ў Гродне. Зараз праходзіць другі этап працаў: запланавана замена ніжніх вянцоў і давядзенне да ладу сцен старога будынка, а таксама падрыхтоўка даху да зімы.
«Падрыхтоўчыя працы другога этапу пачаліся крыху раней, а з пачаткам кастрычніка пачалася актыўная фаза. У планах разабраць стары дах і накрыць пабудову руберойдам перад зімой». — распавёў Hrodna.life ксёндз Аляксандр Сасноўскі, які адказвае за рэстаўрацыю лямуса.
Ужо ў наступным годзе плануюцца работы па сталярцы і новым даху. Ёсць верагоднасць, што ў 2018 годзе лямус будзе цалкам адноўлены звонку. Але ўнутраных работ будзе яшчэ шмат.
Рэстаўрацыя лямуса пачалася ў кастрычніку 2016 года. Спонсар — Міністэрства культуры і спадчыны Польшчы. З беларускага боку рэстаўрацыю курыруюць прадстаўнікі «Гроднаграмадзянпраекта».
Гродзенскі лямус — двухпавярховы дом з лоджыяй на другім паверсе і арачнымі галерэямі на галоўным фасадзе. Пабудаваны ў традыцыях беларускага народнага дойлідства, выкладзены з масіўных брусаў, без выкарыстання клямараў і металічных крапяжоў. Верагодна, пабудаваны ў другой палове XVIII ст., хаця раней датаваўся 1630 годам.
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…