Рабаванне адбылося яшчэ 12 ліпеня ў светлы час сутак. Невядомы на вуліцы Гогаля адабраў у 92-гадовай гродзенкі кашалёк і ўцёк. Праз некалькі дзён злодзея ўдалося вылічыць, ім аказаўся 40-гадовы валацуга.
Як паведамляе афіцыйны прадстаўнік УУС Гродзенскага аблвыканкама Яраслаў Васілеўскі, пенсіянерку зламыснік заўважыў яшчэ ў аўтобусе, а пасля прыпынку рушыў услед за ёй.
«Кіруючыся дадому, пенсіянерка мела з сабой торбачку, у якой на самым версе ляжаў кашалёк. Зламыснік бачыў, куды бабуля яго паклала. Абраўшы ўдалы момант, калі побач нікога не было, мужчына падышоў да пенсіянеркі ззаду, выхапіў з торбы кашалёк з грашыма і дакументамі ды ўцёк», — распавёў Яраслаў Васілеўскі.
Як аказалася, злодзея зафіксавала камера відэаназірання крамы па вуліцы Гагарына. Менавіта відэазапіс дапамог раскрыць гэтае злачынства. Адзін з супрацоўнікаў ППСМ Кастрычніцкага РАУС г. Гродна ўспомніў, што два тыдні таму ўжо дастаўляў у аддзел унутраных спраў падобнага чалавека за адміністрацыйнае правапарушэнне. Аператыўнікі аддзела крымінальнага вышуку Кастрычніцкага РАУС сумесна з калегамі з УУС правялі аператыўна-вышуковыя мерапрыемствы. У вынiку супрацоўнікі затрымалі 40-гадовага валацугу. У дачыненні да мужчыны распачата крымінальная справа па артыкуле «крадзеж».
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…