У чацве, 15 чэрвеня «Нёман» у чарговы раз на сваім стадыёне прадэманстраваў добры баявы футбол, у якім заслужана абыграў ФК «Мінск з лікам 3:1. Дзякуючы перамозе над супернікам, каманда Ігара Кавалевіча паднялася ў турнірнай табліцы на 5-е месца.
У першым тайме жоўта-зялёныя шмат атакавалі і забілі толькі аднойчы. Здарылася гэта на 21-й хвіліне, калі галкіпер „Мінска“ Часноўскі не здолеў справіцца з моцным ударам Жукоўскага.
Добры старт другога тайма прынёс гродзенцам чарговы гол. На 50-й хвіліне Часноўскі узяў мяч у рукі ад свайго абаронцы. Галкіпер „Мінска“ спрабаваў даказаць, што пас быў выкананы каленам, але арбітр не змяніў свайго рашэння і прызначыў вольны ўдар. З паса Жукоўскага Філіп Рудзік расстраляў вароты гасцей. Праз 10 хвілін той жа Рудзік здолеў аформіць дубль і зрабіць лiк 3:0.
Мінчане здолелі адыграць адзін мяч на 65-й хвіліне і больш у сустрэчы ніхто галамі не вызначыўся.
Ігар Кавалевіч пасля матчу:
„Мінск“ паказаў добры камбінацыйны футбол. У першым тайме ў нас было шмат памылак, але зместам гульні ў цэлым і вынікам я задаволены».
У 12-м туры згуляныя яшчэ не ўсе матчы. «Нёман» пакуль што падняўся на 5-е месца ў турнірнай табліцы і мае ў сваім актыве 21 ачко.
У сераду 21 чэрвеня каманда Ігара Кавалевіча правядзе чарговую гульню ў чэмпіянаце, дзе ў Брэсце сустрэнецца з мясцовым «Дынама».
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…