Карэспандэнт «Прэсбола» Уладзімір Пірог зрабіў матэрыял аб нездавальняючым стане газона на гродзенскім стадыёне «Нёман», які 28 мая будзе прымаць фінал Кубка Беларусі. Намеснік старшыні гродзенскай абласной федэрацыі футбола Франц Ляцяга у гутарцы з журналістам назваў канкрэтнага вінаватага.
Пішыце смела: дырэктар ЦСК «Нёман» Віталь Іосіфавіч Казлоўскі, якога ўжо звольнілі 15 красавіка, проста загубіў поле! Пры гэтым абвінавачваў нас ледзь не ва ўсіх смяротных грахах.
Каго канкрэтна?
Мяне. Навукоўцаў, якія дапамагалі ўтрымліваць поле — па заключанаму дагавору. Казлоўскі ж, які раней працаваў у гродзенскай міліцыі, а на пасаду дырэктара ЦСК які прыйшоў у сакавіку 2015 года, потым пачаў паліваць нас брудам: маўляў, гэта было адмыванне грошай. Натуральна, навукоўцы адмовіліся з ім супрацоўнічаць і нават судзіліся. А я сказаў, калі сыходзіў: ну, пачакайце гадок — убачыце, што тут будзе. Вось і атрымалі. На зіму поле не апрацавалі ад снежнай цвілі - і не прапяскавалі, бо трэба было ўнесці як мінімум дваццаць тон прамытага рачнога пяску… Цяпер спрабуюць выправіць усё, што нарабіў ранейшы кіраўнік, ужо пад пачаткам выконваючай абавязкі Галіны Казіміраўны Кандаковай, якая працавала маім намеснікам. І я падказваю, калі просяць.
Што ж раней не падказвалі?
Каму гэтыя парады былі патрэбныя? Новаму дырэктару? Наконт мяне яго заступнікі тады абставілі ўсё так: дзеду, якому 65 гадоў, пара на пенсію. А не захоча сысці сам, знойдзем на яго кампрамат.
[irp posts="21 771″ name=" Нёман" на родным стадыёне вырваў перамогу ў матчы з «Нафтанам""]
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…