Ужо больш за тыдзень ідзе замена старой цеплатрасы на вуліцы Замкавай. За гэты час рабочыя ўшчыльную наблізіліся да сквера, дзе калісьці знаходзілася Фара Вітаўта, а побач з ёй і старыя могілкі. Афіцыйна аб знойдзеных пахаваннях ніхто не паведамляе, але сведкі кажуць, што рабочым трапляліся косці і нават чэрапы.
Згодна з праектам рабочыя ідуць па старым маршруце, дзе знаходзяцца савецкія трубы. Малаверагодна, што там можна на нешта натрапіць. Але сыходзячы трохі ў бок, адкрываецца зусім некранутая зямля — тэрыторыя ў скверы, дзе калісьці быў самы вялікі ў Гродне храм Фара Вітаўта, а вакол яго да канца 18 стагоддзя — могілкi. Перасталі хаваць там толькі пасля ўказа Станіслава Аўгуста Панятоўскага ў 1792 годзе. Менавіта тады было вырашана хаваць людзей за горадам на новых камунальных могілках.
Пахаванні каля Фары маглі быць там з пачатку заснавання храма, а гэта канец 14 стагоддзя. Да сённяшніх дзён могілкi Фары Вітаўта ніхто не знаходзіў, магчыма, рабочым цяпер упершыню і трапляюцца старыя пахаванні.
Вядома, што ў гістарычным цэнтры, дзе вядзецца замена цеплатрасы, не вядзецца ніякага археалагічнага нагляду.
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…