Раніцай у пятніцу 31 сакавіка гродзенскі скульптар Уладзімір Панцялееў вярнуў бронзавую скульптуру жабкі-падарожніцы на яе месца ля турысцка-інфармацыйнага цэнтра на вулiцы Ажэшкi. Побач з ёй усталявалі невялікі куфэрак, куды гараджане і госці горада змогуць кідаць манеты на ўдачу.
Аўтар дэмантаваў сваю працу ў канцы студзеня, каб аднавіць скрадзены ў канцы лета элемент — катомку за спіной, а таксама зрабіць маленькі куфэрак.
На працу ў майстра сышло два месяцы.
«Шкода скульптуры нанеслі нязначную. Але сам працэс аднаўлення — ужо іншая справа, — кажа Уладзімір Панцялееў. — Трэба было асобна адліць торбачку, зняць жабку, прымерыць, прымацаваць. Будзем спадзявацца, што ў будучыні больш крадзяжоў не будзе.
Да скульптуры мы дадалі куфэрак. Калі мы дэмантавалі скульптуру, то пад ёй знайшлі шмат грошай: і папяровых, і манет. I ўжо тады ўзнікла ідэя, каб гараджане і госці кідалі грошы ў адмысловы куфэрак».
Грошы з куфэрка будуць ісці на развіццё цэнтра, а таксама на відэакамеру, якая будзе ў будучыні будзе сачыць за скульптура. Плануецца, што куфэрак будуць адкрываць раз на тыдзень.
Бронзавая жабка-падарожніца з катомкай за плячыма і компасам была ўсталяваная на Ажэшкі ля турысцка-інфармацыйнага цэнтра ў 2009 годзе. Паўмятровая бронзавая скульптура вагой у 40 кг задумвалася як сімвал турыстычнага Гродна.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…