Два супрацоўнікі міліцыі ў цывільным прыйшлі ўвечары 19 сакавіка ў лякарню да пенсіянера Мікалая Саляніка, які знаходзіцца там з запаленнем лёгкіх. Міліцыянты хацелі пагутарыць з ім пра марш недармаедаў, які прайшоў 15 сакавіка ў Гродне, але пенсіянер адмовіўся размаўляць.
«Напэўна, мяне хацелі забраць прама з лякарні, хутчэй за ўсё за ўдзел у мітынгу 15 сакавіка. Спрабавалі скласці нейкія пратаколы. Тое, што я ў бальніцы і ў мяне запаленне лёгкіх, нікога, гляджу, не хвалюе. Я сказаў, што не збіраюся з імі абмяркоўваць гэтую тэму. Міліцыянтам я прапанаваў: калі хочуць, хай мяне забіраюць, скручваюць і завозяць, калі забяспечаць належны медыцынскі дагляд. Таксама я ім сказаў, што пакуль яны не вывучаць канстытуцыю, я з імі размаўляць не буду. Асабіста я нічога антыканстытуцыйнага не зрабіў і не збіраўся нават», — распавёў Hrodna.life Мікалай Салянік.
У пятніцу, 17 сакавіка, Мiкалай выклікаў хуткую і трапіў у лякарню. Высветлілася, што ў яго запаленне лёгкіх. Раней пенсіянер быў асуджаны 14 сакавіка на штраф у 8 базавых велічынь пасля лютаўскай акцыі пратэсту ў Гродне.
Да прыходу супрацоўнікаў міліцыі ў лякарню Мікалаю некалькі дзён таму тэлефанавалі супрацоўнікі з нагоды мітынгу.
«Мая хвароба — не сімуляцыя, гэта факт. Я разумею, што супрацоўнікам міліцыі трэба скласці пратаколы і пасадзіць мяне на пару сутак, таму што яны мяне бачылі, як я камунікаваў з гродзенцамі падчас мітынгу 15 сакавіка. Я нічога не парушаў, але, мабыць, ім не спадабаўся».
[irp posts="15 882″ name="Трох затрыманых на Маршы недармаедаў у Гродне адпусцілі, аднаго завезлі ў Ленінскі РАУС"]
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…