Сустрэча лідараў дэмакратычна руху Гродна і ўладаў горада прайшла ў гарвыканкаме ў пятніцу 10 сакавіка. Ад паспешных высноваў бакі пакуль устрымліваюцца, бо першая сустрэча — гэта толькі знаемства і абмен думкамі.
Спонсар рубрыкі «Горад» — «Пліт-мар» ТАА (аб'яднанне «Група кампаній Белпліта»).
Першапачаткова на сустрэчы планавалася абмеркаванне сітуацыі, што склалася вакол Дэрэта № 3. Насамрэч, вялікая яе частка прайшла ў абмеркаванні пытанняў, звязаных з развіццём горада і далейшымі планамі мясцовых уладаў.
Прадстаўнікі дэмакратычнага руху яшчэ раз выказалі меркаванні, што былі агучаны днём раней. Умовы для працягу грамадзянскага дыялогу наступныя:
— Поўная адмена Дэкрэта № 3;
— Свабода слова ў горадзе;
— Спыненне пераследу палітычных актывістаў;
— Вызваленне жыхароў горада Гродна ад падатку ну дармаедства, у сувязі з цяжкай эканамічнай сітуацыяй.
«На самай жа справе ніякага адказу на свае ўмовы мы не атрымалі. Мечыслаў Гой адзначыў, што ўжо добра, што ўлады і дэмакратычныя сілы селі за адзін стол, каб вырашаць праблемы, — кажа старшыня Гродзенскай арганізацыі партыі БНФ Вадзім Саранчукоў. — Ён паабяцаў, што такія сустрэчы будуць праходзіць часцей. Але пакуль пытанняў больш, чым адказаў. Па ранейшаму ніводнага мерапрыемства ад дэмакратычных сіл не ўхваляецца гарвыканкамам. На сустрэчы было агучана, што ўлада адказна ставіцца да арганiзацыi мерапрыемстваў і таму не можа даць дазвол на правядзенне якіх-небудзь мітынгаў».
Вынікам сустрэчы стала тое, што прадстаўнікі дэмакратычных арганізацый перадалі гарадскім уладам пісьмовую петыцыю са сваімі патрабаваннямі.
«На сённяшні дзень, я не магу сказаць, што ў нас пачаўся нейкі дыялог, пакуль што гэта толькі абмен думкамі.» распавёў Саранчукоў. Як пазітыўны рух з боку ўлады ён ацаніў прапанову старшыні гарвыканкама абмяркоўваць заяўкі на масавыя мерапрыемствы з ініцыятарамі. Праўда, прысутныя кансультанты адразу патлумачыді, што законам гэта не прадугледжана.
«Гарантаваць, што нештаз гэтага атрымаецца, я пакуль не магу. Але магу сказаць дакладна, што што гродзенцы збіраюцца выйсці на мітынг аб адмене Дэкрэта № 3. Інфармацыя ўжо распаўсюджваецца па горадзе. Планы нашы не змянілася — мы выйдзем 15 сакавіка ў 18:00 у парк Жылібера», — дадаў Вадзім Саранчукоў.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…