Фота: Ірына Новік
У Гродне ствараецца адзіная электронная база хатніх жывёл, паведаміў карэспандэнту БЕЛТА намеснік генеральнага дырэктара гарадской ЖКГ Сяргей Сямашка.
Штодня супрацоўнікі УЖРЭП Ленінскага і Кастрычніцкага раёна ўносяць у яе дадзеныя аб хатніх гадаванцах гродзенцаў.
«Ствараецца адзіная гарадская база адразу з некалькімі мэтамі. Па-першае, гэта кантроль за ўтрыманнем хатніх гадаванцаў, па-другое, адна з мер барацьбы з безнагляднымі жывёламі і інфекцыйнымі захворваннямі, якія яны пераносяць», — адзначыў Сяргей Сямашка. Ён падкрэсліў, што ўнясенне ў базу хатніх гадаванцаў дасць магчымасць таксама хутчэй вырашыць пытанне са згубленымі хатнімі жывёламі: у выпадку адлову з боку адпаведных службаў іх адразу ж перададуць гаспадарам. Адзіная база дазволіць пракантраляваць ці прышчэплены хатнія гадаванцы, аператыўна праверыць, ці зарэгістраваныя яны.
«Высветліць ці зарэгістраваны, напрыклад, сабака, упаўнаважаная асоба зможа нават падчас выгулу. Зрабіць гэта можна будзе з дапамогай смартфона або планшэта. Доступ да адзінай базы будзе ў камунальных службаў, прадстаўнікоў Спецаўтагаспадаркі, супрацоўнікаў органаў унутраных спраў, ветэрынарных лекараў», — адзначыў Сяргей Сямашка. Пакуль сістэма працуе ў тэставым рэжыме. Запусцяць яе пасля таго, як будуць сабраныя ўсе дадзеныя, вырашаны пытанні з праграмным забеспячэннем. Тады ж будзе прынята рашэнне аб далейшым развіцці гэтай базы, надання ёй новых тэхналагічных рашэнняў. У першапачатковым выглядзе ў базе будзе ўтрымлівацца ўся неабходная інфармацыя аб гадаванцы, кантакты гаспадароў.
Сёння ў Гродне зарэгістравана каля 10 тыс. катоў і сабак.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…