У Гродзенскай абласной навукова-тэхнічнай бібліятэцы (АНТБ) адкрыўся каворкінг, дзе любы ахвотны можа арандаваць персанальнае працоўнае месца за невялікую аплату.
Для працы абсталявана памяшканне плошчай каля 50 кв.м. з нядаўна зробленым рамонтам і новай мэбляй. Каворкінг складаецца з 7 рабочых месцаў, кожнае з іх уключае стол, два крэслы і персанальны камп’ютар з усталяваным праграмным забеспячэннем і доступам да Інтэрнэту (50/10 мбіт/с). Наведнікі могуць карыстацца і ўласнымі ноўтбукамі, падключаючыся да інтэрнэту па wi-fi.
Галоўнай адметнасцю новага каворкінгу яго стваральнікі называюць пагадзінную аплату з фіксаванай цаной: 60 капеек за гадзіну працы. Аплочваецца толькі адпрацаваны час, кратны адной гадзіне. Напрыклад, папрацаваўшы 1 гадзіну 15 хвілін, неабходна аплаціць 2 гадзіны працы.
У бібліятэчным каворкінгу чакаюць усіх ахвотных. Забараняецца толькі дзейнасць, якая парушае заканадаўства.
«Англійскае слова co-working перакладаецца як «сумесная праца», — тлумачыць праграміст АНТБ Андрэй. — Ідэя каворкінгу ўзнікла ў выніку развіцця фрылансу, адзін з галоўных недахопаў якога — ізаляцыя чалавека з прычыны адсутнасці працоўнага калектыву. Менавіта гэтую праблему і закліканы вырашыць каворкінг.
У каворкінгу дызайнер можа працаваць у адным пакоі з праграмістам і капірайтарам. Гэта стварае дзелавую атмасферу, якая садзейнічае павышэнню прадуктыўнасці і якасці працы. Акрамя тага, каворкінг часта бывае платным, што спрыяе дадатковай матывацыі працаваць вынікова, не праседжваючы выдаткаваныя на арэнду працоўнага месца грошы дарэмна".
На базе бібліятэчнага каворкінгу ёсць магчымасць праводзіць мерапрыемствы: семінары, лекцыі, трэнінгі, мітапы (да 50 пасадачных месцаў). Прадстаўнікам некамерцыйных праектаў, звязаных з навукова-тэхнічнай тэматыкай, кіраўніцтва бібліятэкі можа дазволіць бясплатную арэнду залы.
Каворкінг размешчаны па адрасе: г. Гродна, вул. Горкага, 72а (Дом навукі і тэхнікі, уваход з левага тарца будынка). Час працы: панядзелак — пятніца з 9.00 да 17.00 без перапынку. Пры магчымасці і па ўзгадненні гэты час можа быць працягнуты. Месца для працы можна забраніраваць па тэлефоне: +375−33−355−50−70 (МТС).
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…