Неўзабаве ў Гродне з’явяцца «Хуткія спатканнi». Удзельнікі ў кавярні за вечар змогуць мець ажно дзесяць спатканняў з супрацьлеглым полам, а адмысловыя анкеты дапамогуць атрымаць кантакты таго хлопца ці той дзяўчыны, якія, верагодна, будуць табе цікавыя.
Праект у Гродна прывезла мінчанка Ірына Нечай, якая паспяхова праводзіла «Хуткія спатканні» ў сталіцы.
«У месяц мне ўдавалася праводзіць 2−3 сустрэчы. Колькасць людзей кожны раз была рознай, але „Хуткія спатканнi“ ў Мінску дакладна карысталіся поспехам. Зараз я пераехала ў Гродна, а паколькі гэтая справа прыносіла мне вялікае задавальненне, я вырашыла заняцца спатканнямі і ў Гродне», — распавядае Ірына.
— 10 спатканняў за 1 вечар,
— кожнае спатканне доўжыцца 7 хвілін,
— рэстаран у самым цэнтры Гродна,
— некалькі узроставых груп, каб кожны меў зносіны з тымі, з кім яму будзе цікава,
— запальваючы вядучы і афтэрпаці.
З месцам правядзення «Хуткіх спатканняў» у Гродне Ірына яшчэ не вызначылася.
У кафэ будзе збірацца 10 хлопцаў і 10 дзяўчат. У кожнага з іх будзе свой бэйдж з нумарам і анкета ўдзельніка. Дзяўчаты сядаюць бліжэй да сценкі, а хлопцы кожныя 7 хвілін па крузе перасаджваюцца. Пасля 5 спатканняў робіцца перапынак, потым яшчэ 5 спатканняў. Удзельнікі запаўняюць і здаюць анкеты. Калі арганізатары бачаць супадзенні паміж хлопцам і дзяўчынай, іх абменьваюць кантактамі. Пасля спатканняў праводзіцца афтэрпаці. Напрыклад, гульня ў мафію.
Прыняць удзел у «Хуткіх спатканнях» могуць людзі двух узроставых катэгорый: першая ва ўзросце ад 18 да 25, другая ад 26 да 35.
Ірына распавядае, што ў асноўным пасля такіх хуткіх спатканняў зносіны паміж людзьмі працягваецца. Зрэшты, для гэтага іх і праводзяць. Былі «Хуткія спатканні», вынікам якіх рабілася вяселле.
Каб даведацца, дзе і калі будуць праходзіць «Хуткія спатканнi» у Гродне, варта сачыць за групай у Вконтакте.
Некалькі здымкаў з «Хуткіх спатканняў» у Мінску:
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…