Абураныя каментары гродзенцаў выклікала высечка вялікіх таполяў каля прадпрыемства «Белкард» па вул. Перамогі. Дрэвы спілавалі вечарам у нядзелю 5 лютага. Як патлумачыў Гродзенскаму Зялёнаму парталу галоўны энергетык ААТ «Белкард» Віталь Смольнікаў, ёсць небяспека, што старыя дрэвы ўпадуць на гарадской магістральны газаправод.
«Гэтая небяспека існуе даўно: мы 5 гадоў таму пачалі падымаць пытанне і пісаць у гарадскую ЖКГ, каб распачалі меры. Тэрыторыя, дзе раслі дрэвы, не адносіцца да заводу, аднак галіны, што падалі пасля ураганаў, давалі зразумець небяспеку такога суседства», — растлумачыў Віталь Смольнікаў.
Таполі былі высаджаны яшчэ да ўвядзення нарматыву высадкі дрэў не бліжэй, чым 2,5 метра ад газаправода.Як патлумачыла інжынер Гродзенскай гарадской ЖКГ Вольга Дырында, дрэвы былі паражаныя амелай і мелі сухія галіны. Гарвыканкам узгадніў дазвол на спілаванне дрэў. Самой ліквідацыяй таполяў займаліся прыватныя асобы па замове Гроднагаргаза.
Іншых запытаў на падобныя дзеянні па зносе дрэў у гарвыканкам не паступала. Усе дзеянні былі ўзгоднены з Гродзенскім камітэтам прыродааховы. Створаная камісія палічыла таполі нездаровымі, таму кампенсацыйных выплат у бюджэт не прадугледжваецца. Кампенсацыйныя пасадкі дрэў таксама не прадугледжаныя.
Каштаны на тэрыторыі завода будуць заставацца: іх ніхто не будзе чапаць.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…